सिमेन्टको मूल्य घट्यो

उपभोक्ताको चौतर्फी विरोधपछि उद्योगीहरुले सिमेन्टको मूल्य घटाएका छन् । उद्योगीहरुले सिमेन्टको मूल्य प्रतिबोरा २६ रुपैयाँसम्म घटाएका हुन् । आपूर्ति व्यस्थापन तथा उपभोक्ता हित संरक्षण विभागले अनुगमनमा कडाई गरेपछि व्यवासायीले मूल्य घटाएका हुन् । विभागका निर्देशक लक्ष्मण श्रेष्ठले प्रतिबोरामा ११ रुपैयाँदेखि २६ रुपैयाँसम्म मूल्य घटाएको जानकारी दिए । “लागत मूल्य बढेर आएको भन्दै व्यवसायीले अस्वाभाविक रूपमा सिमेन्टको मूल्य बढाएका थिए,” उनले भने, “थोरै भए पनि मूल्य घटाउँदा उपभोक्तालाई राहत मिलेको छ ।”
उद्योगले कच्चा पदार्थको मूल्य बढेको भन्दै प्रतिबोरामा एक सय रुपैयाँसम्म मूल्य बढाएका थिए । अस्वाभाविक रूपमा मूल्य बढाएको भन्दै विभागले अनुगमनमा कडाइ गरेको थियो । विभागका अनुसार शिवम् सिमेन्टले प्रतिबोरा २३ रुपैयाँ मूल्य घटाएको छ । अब उक्त सिमेन्टको प्रतिबोरा मूल्य ८ सय ८७ मा झरेको छ । सो सिमेन्टले १५ प्रतिशतसम्म मूल्य बढाएको थियो । त्यस्तै, अम्बे सिमेन्ट उद्योगले प्रतिबोरा २० रुपैयाँ मूल्य घटाएको छ । उक्त सिमेन्टले प्रतिबोरा १ सय १० रुपैयाँ मूल्य बढाएको थियो । अब यो सिमेन्टको प्रतिबोरा मूल्य ७ सय ४० रुपैयाँमा झरेको छ ।
यसैगरी सर्वोत्तम र नारायणी सिमेन्टको मूल्य प्रतिबोरा १०-१० रुपैयाँले घटेको छ । अब नारायणी सिमेन्टको मूल्य ८ सय ८० र सर्वोत्तमको ८ सय ३५ रुपैयाँ पर्नेछ । हेटौंडा सिमेन्टलाई पनि मूल्य घटाउन पत्राचार गरिएको विभागले जनाएको छ । जगदम्बा छडले पनि मूल्य घटाउने प्रतिबद्धता जनाएको विभागको भनाइ छ । यसअघि शालिमारले १६ प्रतिशत, हेटौंडाले १३ प्रतिशत, निर्माणले साढे १२ प्रतिशत, अग्नीले साढे १० र मारुती सिमेन्टले ६ प्रतिशत मूल्य बढाएका थिए ।
इन्धनको मूल्य बढ्दा कच्चा पदार्थको आयातमा मूल्य बढेकाले लागत मूल्य बढेको भन्दै व्यवसायीले सिमेन्टमा अस्वाभाविकरुपमा मूल्य बढाएका थिए । भारत र चीनलगायतका मुलुकबाट आउने कच्चा पदार्थ महंगिएको कारण देखाउँदै करिब डेढ महिनाअघिदेखि निर्माण व्यवसायीले सिमेन्ट र छडको मूल्यवृद्धि गरेका थिए । भूकम्पपछिको पुनर्निर्माणको काम तिव्रगतिमा भइरहेका बेला सिमेन्टको मूल्य बढ्दा प्रत्यक्ष असर परेको थियो ।

प्रतिकृया दिनुहोस

सिमेन्टको मूल्य घट्यो

भदौ ३० धनकुटा ।   महिला सशक्तिकरण वचत तथा ऋण सहकारी संस्था हिलेको आज ७ औ वार्षिक साधारणसभा सम्पन्न भएको छ ।   संस्थाकी अध्यक्ष पेमा कुमारी

सिमेन्टको मूल्य घट्यो

वैशाख २४ धनकुटा । निर्धन उत्थान बैंक हिले शाखाको ९८ नं शाखा समूह सदस्य स्व.रमिला राईकी हकवाला पति राजकुमार राईलाई आज बैंकले ग्रामीण कर्जा विमा वापतको

सिमेन्टको मूल्य घट्यो

तेह्रथुम-पहाडी जिल्ला तेह्रथुममा उत्पादित अदुवा निकासी नभएर त्यतिकै थन्किएको छ । निकासी ठप्प भएपछि यहाँका व्यापारीले संकलन गरेको अदुवा गोदाममा र